Сауд Арабиясында бюджет тапшылығы - $65 млрд жетті

Әлем экономикасы шатқаяқтап тұр. Басқасын былай қойғанда мұнайдың үстінде отырған Сауд Арабиясында биыл бюджет тапшылығы 65 млрд долларға жетті.

Бұл туралы елдің қаржы министрі Мұхаммед Әл-Джадан мәлімдеді. Қазір мемлекет мұнайдан өзге тауарлардың экспортын арттыруды көздеп отыр. Өнеркәсіп, туризм, көлік және логистика секторларына басымдық бермек. Биыл мұнай бағасы мен өндіріс көлемінің төмендеуі елдің кірістен гөрі шығынын көбейткен. Саудияның мемлекеттік қарызы 400 млн долларға жуықтады. Бұл жалпы ішкі өнімнің шамамен 32%-ы.