"Доғарайық қатындар": Мөлдір Анарбаева оңтүстікте тойбастарға берілетін ақ орамалдар мен мата туралы

Ол тойда ешкімге керегі жоқ ақ орамал мен мата беруді доғаруды талап етті, деп хабарлайды Caravan.kz медиа порталы.

Бұл туралы ол өзінің желідегі парақшасында мәлімдеді.

«Босқа шығындалғанды қоя салайық. Өзіңізге де алған бізге де дүниенің обал болмасыншы, өтініш! Астарында қазақтың емес қытайдың кәсібін дөңгелетіп отырмыз. Босқа шашылмайық, бермеген адамды сөз қылмайық. 200 адамға 2 000 мыңның тойбастарын алса 400 мың босқа далаға шашып жібереді. Бұл бер жағы.

Адам таға алмайтын ақ орамалдарға тегі обал! Тойда жерде жатады, сандықтың іші толды. Не бере алмайсың, не таға алмайсың. Осыны доғарайық та қатындар ау. Оданда тегі сыйлық жасағың келіп бара жатса суретке түскен елдің суретін тегін қыл. Есесіне фотограф үйіне ақша апарады сен үйіңе сурет апарып естелікке тығып қоясың. Тойды ешкім бастамаса, жаппай таратып шығынданбашы жәнім», — деп жазды блогер.