Қор стипендиаты Мария Чмир: Еліміздің болашағы дәл сіздердің қолдарыңызда

Мария Чмир – М. Қозыбаев атындағы Солтүстік Қазақстан университетінің 3-курс студенті, «Тарих (гуманитарлық пәндер мұғалімі)» мамандығында оқиды. Тарих пен археологияға деген қызығушылығы, ғылымға ұмтылысы, шығармашылық ойлау қабілеті мен белсенді азаматтық ұстанымы оған Нұрсұлтан Назарбаев Қорының стипендиаты атануға мүмкіндік берді.

Табысқа апарар жол

Мария бала кезінен адамзаттың өткеніне қызығушылық танытқан. Археология – ол үшін ежелгі құпияларды зерттеп, ұмытылған тарих беттерін қалпына келтіру мүмкіндігі. Ол археологиялық экспедицияға белсенді қатысып, ғылыми зерттеулер жүргізіп келеді. Оның еңбектері тек Қазақстанда ғана емес, шетелде де мойындалды.

Ғылымнан бөлек, оның қызығушылығы сан алуан. Мария – фитнес-тренер, мұны тек жұмыс емес, адамдарға өзіне сенімді әрі мықты болуға көмектесудің бір жолы деп біледі. Сонымен қатар, музыка оның өмірінде маңызды рөл атқарады – ол 10 жыл бойы ансамбльде ән айтып, ырғақты сезінуді, командамен жұмыс істеуді және сахна мәдениетін меңгерген.

Жетістіктері

Мария халықаралық ғылыми конференцияларға қатысып, мақалалар жариялап, тағылымдамалардан өтті және академиялық алмасу бағдарламалары бойынша білім алды. Оның ғылымға қосқан үлесі «Қазақстанның 100 үздік студенті», «ТМД-ның 100 үздік студенті» және «Түркі халықтарының 100 үздік студенті» марапатталды.

Сонымен қатар, ол қоғамдық жұмыстармен белсенді айналысады. «ЖастарРухы» жастар қанатының бастамаларына қатысып, іс-шаралар ұйымдастырады және басқа студенттерді дамуға шабыт береді.

Нұрсұлтан Назарбаев Қорының стипендиясы

— Нұрсұлтан Назарбаев Қорының стипендиясы мен үшін жай ғана қолдау емес, еңбегімнің бағаланғанының дәлелі. Бұл мені тоқтап қалмай, әрі қарай дамуым үшін үлкен шабыт береді. Ол жаңа мүмкіндіктерге жол ашып, жобаларды жүзеге асыруға және өзгелерді шабыттандыруға мүмкіндік береді, – дейді Мария.

Қазақстан жастарына берер кеңесі

«Өзіңізге, армандарыңызға және күшіңізге сеніңіз. Егер мақсатыңыз үлкен болып көрінсе де, олардан қорықпаңыз. Үйреніңіз, дамыңыз және өзіңізді ғылымда, өнерде, спортта немесе қоғамдық қызметте жүзеге асыру мүмкіндіктерін іздеңіз. Белсенді болыңыз, бір-біріңізді қолдаңыз және еліміздің болашағын дәл сіздердің қолдарыңызда екенін ұмытпаңыз. Сіздің идеяларыңыз бен ұмтылыстарыңыз Қазақстанды мықты, заманауи және жарқын ете түссін!»