Алматыда қар көшкінінен бір адам көз жұмды

« Алматыда қар көшкінінен 1 адам көз жұмды.

Қайғылы оқиға бүгін түстен кейін Талғар тауының сілеміндегі «Комсомол» шыңында болды» деп хабарлайды қалалық Төтенше жағдай қызметінің баспасөз қызметі. Алдын ала мәлімет бойынша, көшкін қаупі туралы ескертулерді елемеген 3 адам тау беткейін кесіп өтіп, қар көшкінін тудырған. Салдарынан 35 жастағы әйел қар астында қалып, қаза тапты. Оқиға орнына жеткен құтқарушылар әйелдің денесін тауып, «Шымбұлақ» тау-шаңғы кешеніне жеткізген. Мерт болған әйелдің Ресей азаматы екені анықталды. Ал екі шаңғышы өз бетімен шығып үлгірген. Төтеншеліктер туристерге таудағы қауіпсіздік ережелерін қатаң сақтауды ескертеді.