Ақтөбе облысында жолды су шайып кетті

0:00:00

Жаңалықтарды Telegram арнамыздан оқыңыз!

Ақтөбе облысы, Қобда ауданында жергілікті маңыздағы жолды су шайып кетті. Он екі үйлі Қанай елді мекеніне қатынас уақытша тоқтады.

Жолдың жалпы ұзындығы 3 шақырым. Қазіргі уақытта бұл жерге қажетті техника мен мамандар жіберілді. Су деңгейі төмендегеннен кейін көлік қатынасы қайта қалпына келтіріледі. Ал Ойыл ауылының тұрғындары үшінші тәулік қайықпен қатынап жатыр. Осы уақытқа дейін құтқарушылар су көлігімен 350-ге жуық адамды тасымалдаған. Судың деңгейін төмендету мақсатында мамандар өткелді ашып жіберуге шешім қабылдаған еді. Ол үш тәулік ішінде қайта қалпына келтірілуі тиіс.

Аслан Арзымбетов, облыстық Төтенше жағдайлар департаментінің басқарма бастығы:

ТЖМ әскери бөлімі жұмыс істеуде. Біздің бірінші мақсатымыз – ол жерде жергілікті тұрғындарды қауіпсіз тасымалдау. Яғни бес қайық бөлінді біздерден.

Қостанай облысында көтерме жолды су басты

Қостанай облысындағы Жітіқара ауданында Желқуар өзенінің үстінен өтетін республикалық маңыздағы жолды су басты. Бұл Қазақстан мен Ресей шекарасындағы бейтарап аумақ. Көтерме жолдан асып ағып жатқан судың тереңдігі 20 см, ұзындығы 70 метр. Су деңгейінің көтерілеуіне күннің күрт жылынуы себеп болған. Қазір көлік қозғалысы шектелді.

Жақсыбек Кемал