Алматыда тұрақты даму мақсатын көздейтін жобалар талданды

«Almaty Azamattyq Alliance» қауымдастығы Тұрақты даму мақсатының орындалуын бақылауға бағытталған әлеуметтік жобаны аяқтады .

Бастама аясында қалада жүзеге асырылып жатқан 155 бағдарламаға талдау жүргізілді. Сондай-ақ қала әкімдігі мен Үкіметтік емес ұйымдар қолға алған жобалардың бірыңғай деректер базасы құрылып, ол Біріккен ұлттар ұйымы Тұрақты даму мақсаттары әдістемесімен біріктірілді. Тұрақты даму мақсаттарының жетістіктерін көрсететін 17 ақпараттық материал, соның ішінде дашбордтар мен инфографикалар әзірленді. Зерттеудің мақсаты әлеуметтік бастамалардың тиімділігі мен ашықтығын қамтамасыз ету. Талдау қорытындысы бойынша мемлекеттік органдар мен Үкіметтік емес ұйымдарға ұсыныстар жолданды.

Қайыржан Әбдіхалықов, Алматы азаматтық альянсының төрағасы:

- 2025 жылы сол жұмысты жалғастырамыз. Өйткені биылғы жылы Алматы қаласында добровольный местный обзор деген бар. Яғни қаншалықты Алматы қаласында тұрақты даму мақсатын локализациялаған. Яғни іске қосылады. Соның бүкіл есебін біз БҰҰ жібереміз. Соны Алматы даму орталығы жасайды. Біз олармен бірге, яғни біздің тараптан ол азаматтық қоғамның бөлігі, яғни біз оның үйлесімін көрсетеміз, кейс түрінде.