Алматыда он мың түп ағаш отырғызылды

Алматыда республикалық «Таза Қазақстан» бағдарламасы мен «Алматы – біздің ортақ үйіміз» шарасы аясында кең көлемді тазалық акциясы өтіп жатыр.

Тұрғындар көше тазалау, көшет отырғызу жұмыстарына белсенді атсалысты. Есентай өзенінің жағалауына алма мен алмұрттың көпжылдық көшеттері отырғызылды. Науқанға қала әкімі Ерболат Досаевпен қатар, мәдениет қайраткерлері, спортшылар, жастар мен қоғамдық ұйым өкілдері және 50 мыңнан астам тұрғын мен 1 200 коммуналдық қызметкер қатысты. 350-ден астам техника жұмылдырылды. Демалыс аймақтары, саябақтар, аулалар тазартылды. Қаланың барлық ауданында 10 мың түп ағаш отырғызылды.

Құдайберген Бекіш, ҚР Еңбек сіңірген қайраткері:

- Алматы таза, Алматы тазалықтың символы. Өйткені біз осы жердің тұрғыны...Алматы жалғыз. Алматыны біз әрқашан да таза ұстауға, Алматыны көгалдандыруға , тауын сақтауға, экологиясын сақтауға, апортын сақтауға әрбір адамның ол міндеті.

Дулат Әшкенов, Алматы қаласы коммуналдық инфрақұрылымды дамыту басқармасының басшысы:

- Бұл акция қаламыздың барлыұ 8 ауданын қамтиды. Бүгінгі локацияда аббаттандыру элементтерін жөнге келтіру, бояу, сондай-ақ санитарлық жинау жұмыстары ,ағаш егу жұмыстары жүргізілген.