Қайтарылған активтер есебінен Ақмола облысында медицина нысандары салынады

Қайтарылған активтер есебінен Ақмола облысының 10 ауылында жаңа медициналық нысандар салынады.

Президент тапсырмасына сәйкес, Үкімет бұл бағытқа Арнаулы мемлекеттік қордан 1,7 млрд теңге бөлу туралы шешім қабылдады. Барлығы 4 дәрігерлік амбулатория, 5 фельдшерлік-акушерлік пункт және 1 медициналық пункт пайдалануға беріледі. Бұл мекемелер әр ауысымда 400-ден астам науқасты қабылдай алады. Жобалар ауылдық жерлердегі медициналық қызмет сапасын жақсартуға жол ашады.

4 дәрігерлік амбулатория

5 фельдшерлік-акушерлік пункт

1 медициналық пункт

бөлінген қаражат — ₸1,7 млрд

Әсел Қалдыбаева, облыстық денсаулық сақтау басқармасы басшысының орынбасары:

- 2025 жылы 10 медициналық нысанды аяқтау жоспарлануда. Оның ішінде 8 нысан бойынша 50% құрылыс жұмыстары аяқталды. Бұл енді жоба бойынша ауылдық медицинаны жаңарту болғандықтан ең бірінші — қолжетімді медицина, ауылдағы тұрғындарға барлығы қолжетімді, жаңа медициналық стандарттарға сәйкес көмек көрсету.