Оңтүстік Кореяда орман өртеніп жатқан аймақта жаңбыр жауды

Оңтүстік Кореяда орман өртеніп жатқан аймақта, жаңбыр жауды. Нөсер Андон қаласы мен Ыйсон уезі маңындағы 2 ірі өрт ошағын ауыздықтауға септігін тигізген .

Қос өңірде табиғи апат өткен аптада басталған еді. Лаулаған жалын қазірге дейін 39 мың гектар алқапты күлге айналдырып үлгерді. Тілсіз жауды сөндіруге жел кедергі келтіріп келді. Өрттен 28 адам опат болып, 30-дан аса тұрғын жарақат алды. 30 мыңдай тұрғын қауіпсіз жерге көшірілді. Апат жайлаған аймаққа 5 мыңға жуық құтқарушы жіберілді.