Францияда қоғамдық орындарда темекі тартуға тыйым салынады

Францияда қоғамдық орындарда темекі тартуға тыйым салынбақ. 1-шілдеден бастап саябақтарда, мектеп, спорттық мекеме жанында, автобус аялдамаларында, яғни, бала жүретін жердің барлығында шылым шегуге болмайды. Ережеге бағынбағандар 135 еуро айыппұл төлейді. Елдің темекіге қарсы күрес жөніндегі ұлттық комитетінің мәліметінше, Францияда шылым шегумен байланысты аурулардан жылына 75 мың адам қайтыс болады екен. Елдің білім министрі болашақта мейрамхана, дәмханалардың жазғы алаңқайларында да темекі тартуға тыйым салып, вейптің құрамындағы никотин мөлшерін азайтуға күш салмақ.

Нұрсұлу Қасым