Е.Рыбакина ширек финалға шықты

Қазақстанның бірінші, әлемнің 11-ракеткасы Елена Рыбакина Лондон өтіп жатқан WTA 500 турнирінің ширек финалына жолдама алды. Жарысты екінші айналымнан бастаған отандасымыз алғашқы кездесуін дүниежүзілік рейтингіде 164-орында тұрған жергілікті спортшы Хизер Уотсонға қарсы өткізді. Ол іріктеуден кейінгі бірініші ойынында тағы бір қазақстандық спортшы Юлия Путинцеваны жеңіп кеткен еді. Ал бұл жолғы матчта айы оңынан тумады. Жерлесіміз 6:4, 6:2 есебімен жеңісті жұлып әкетті. Бір сағат 23 минутқа созылған бәсекеде Рыбакина 9 эйс жасап, 6 брейк-пойнттың үшеуін пайдаланды. Уотсон болса, 2 эйспен шектелді. 7 брейк-пойнттың бәрінен мүлт кетті. Қазір Елена Рыбакина жартылай финалдың жолдамасын рейтингте 86-орында тұрған германиялық Татьяна Мариямен сарапқа салып жатыр.

Айта кетейік, бұл турнирдің жүлде қоры 720 миллион теңге.

Асылбек Данияр