Павлодар облысында төтенше жағдай жарияланады

Павлодар облысында төтенше жағдай жарияланады, — деп хабарлайды Massaget.kz тілшісі .

Жергілікті атқарушы органдар өңірдің бірқатар елді мекенінде болған дауыл салдарынан келген залалды бағалау бойынша жұмыс істеп жатыр.

"Облыстық төтенше жағдайлар жөніндегі комиссия отырысының қорытындысы бойынша облыстың үш қаласында және бірқатар ауданында төтенше жағдай режимі жарияланады", — деп жазылған хабарламада.

20-30 маусым аралығында апаттың салдарын жою бойынша өтініштер қабылданатыны айтылды. Дауылдан зардап шеккен жеке үйдің тұрғындарына 100 АЕК (393 200 теңге) мөлшерінде біржолғы әлеуметтік көмек көзделген.

Посмотреть эту публикацию в Instagram

Публикация от @pavlodar_region

Еске салайық, бұған дейін Павлодар облысында дауылдан зардап шеккендер саны 16 адамға жеткені, оның ішінде балалар да бар екені хабарланды.

Әкімдік мәліметінше, 19 маусымда Павлодар облысында жылдамдығы секундына 43 метрге дейін жететін дауыл соққан.

Өзекті жаңалықтарды өз уақытында оқу үшін Facebook парақшамызға жазылыңыз!