Ресейге дрон ұшырылды деген ақпаратқа СІМ жауап берді

Сыртқы істер министрлігінің ресми өкілі Айбек Смадияров Ресей аумағына Қазақстаннан дрондар ұшырылды деген болжамдарға қатысты пікір білдірді , деп жазады inbusiness.kz сайты.

– Қазақстан аумағынан Ресейге қарай пилотсыз ұшу аппараттары жіберіліп жатыр деген ақпарат шындыққа жанаспайды, – деді ол министрліктің кезекті брифингінде.

Оның айтуынша, мұндай жағдайлар құзырлы органдардың жіті бақылауында.

– Бұл техникалық сипаттағы мәселе болғандықтан, нақты мәлімет алу үшін Қорғаныс министрлігіне жүгінген жөн, – деді СІМ өкілі.