Семейде жол қауіпсіздігіне арналған флешмоб өтті

Семейде жол апатынан сау тамтығы қалмаған көліктердің шеруі өтті.

Осылайша полицейлер «Заң мен тәртіп» қағидасы аясында жол ережесін сақтамаудың нақты салдарын көрсетті. Бұның басты мақсаты жол қауіпсіздігін нығайту мен тұрғындардың құқықтық мәдениетін арттыру болды. Былтыр облыс бойынша дәл осы кезеңге дейін жол апатынан 22 адам көз жұмса, биыл 19 адам мерт болды. Қайғылы оқиғаларға көбінесе жылдамдықты шамадан тыс асыру себеп, дейді тәртіп сақшылары.

Мерхат Қалелов, патрульдік полиция батальонының командирі:

- Эвакуаторлармен жол-көлік оқиғасына ұшыраған көліктер көшеге шығарылды. Бұл шара жол ережесін бұзудың нақты салдарын көрсетіп, жүргізушілерге ой салу мақсатында ұйымдастырылды.