Жаңбыр, найзағай: Алматы мен Астана қалаларына арналған ауа райы болжамы

Қазгидромет синоптиктері 28-30 маусым аралығында Астана мен Алматыда ауа райы қандай болатынын айтты, — деп хабарлайды Massaget.kz тілшісі.

Астанадағы ауа райы болжамы

28 маусымда елордада ауа райы бұлтты болады, күндіз жаңбыр жауып, найзағай ойнауы мүмкін. Жел оңтүстік-шығыстан, оңтүстіктен түнде 3-8 м/с, күндіз 9-14 м/с жылдамдықпен соғады. Түнгі ауа температурасы +13…+15°C, күндіз +25…+27°C болады.

29 маусымда да ауа райы бұлтты болады, кей жерлерде жаңбыр жауып, найзағай ойнауы мүмкін. Жел оңтүстік-батыстан соғады, екпіні — 9-14 м/с. Түнде +13…+15°C, күндіз +20…+22°C.

30 маусымда да ауыспалы бұлтты ауа райы болжанып отыр, кей жерлерде жауын-шашын жауады, найзағай ойнайды. Жел бағытын оңтүстік-батыстан солтүстік-батысқа ауыстырады, жылдамдығы — 9-14 м/с. Түнде ауа температурасы +11…+13°C, күндіз +22…+24°C болады.

Алматыдағы ауа райы болжамы

28 маусымда Алматыда ауыспалы бұлтты, жауын-шашынсыз ауа райы болады. Жел солтүстік-шығыстан соғады, екпіні — 3-8 м/с. Түнде +17…+19°C, күндіз +29…+31°C.

29 маусымда да жауын-шашын жаумайды. Жел шығыстан соғады, екпіні — 3-8 м/с. Түнде +18…+20°C, күндіз +31…+33°C болады.

30 маусымда түнде жаңбыр жауып, найзағай ойнауы мүмкін. Жел оңтүстік-батыстан соғады, екпіні 13 м/с дейін жетуі мүмкін. Түнде +18…+20°C, күндіз +28…+30°C болады.

Аптаның басты оқиғалары мен пайдалы видеоларды көру үшін YouTube арнамызға жазылыңыз