Атыраулық полицейлер ₸2 млн айыппұлы бар көлік иесін ұстады

Атыраулық полицейлер екі миллион теңге көлемінде айыппұл арқалап жүрген автокөлік иесін ұстады, деп хабарлайды 24kz.

32 жастағы жүргізуші жол ережесін 38 рет бұзған. Қазіргі уақытта оған қатысты тиісті іс-құжаттар рәсімделіп, қолданыстағы заңнамаға сәйкес шаралар қабылданды. Көлік айып тұрағына қойылды. Interceptor автоматтандырылған бақылау жүйесі іске қосылған 6 айда айыппұлдан жалтарып жүрген 2 мыңнан аса жүргізуші анықталған.

Мөлдір Таңатарқызы, қалалық полиция басқармасы жедел басқару орталығының инспекторы:

- Оның ішінде 1500-ден астам автокөліктің айыппұлдары өндіріліп, 600-ден астам автокөлік арнайы тұраққа қойылған болатын. Осы бойынша тағы борышкерлер есебінде тұрған автокөліктермен жұмыс жалғасуда.