Израильдің шабуылынан балалар қаза тапты

Израиль әуе күштері Газа секторының орталығына соққы беріп, он адамды мерт қылды. Құрбандардың ішінде алты бала бар. Палестиналықтар су кезегінде тұрғанда кенеттен шабуылға ұшыраған. Бүгін оларды жерлеу рәсімі өтті. Жараланған 16 адамның ішінде жеті жеткіншек бар. Израиль армиясы бейбіт тұрғындарды «Ислам жиһады» содырларымен шатастырып бомбалағанын мойындады. Сонымен қатар ЦАХАЛ қайғылы оқиғаны тергеп жатқанын хабарлады. Газада Израиль-Хамас соғысы 2023 жылы 7 қазанда басталды. Содан бері Израильдің шабуылдарынан бұл палестиналық анклавта 58 мыңнан астам адам қаза тапқан.

Арыстан Рысбек