Қытайда қар көшкінінен жолдар жабылды

Қытайда қар көшіп, ұлттық маңызға ие автомагистральді басып қалды.

Салдарынан қазақ-қытай шекарасындағы Қорғас пен Ляньюньган қалалары арасындағы жол жабылды. Жүздеген көлік қаңтарылып ұзын сонар кептеліс қалыптасты. Қардан тазартуға жергілікті күштік құрылымдар жаппай жұмылдырылып жатыр. Қазір көрші елде теміржолдардағы бақылау да күшейтілді. Мұндай шешім Шыңжаң ұйғыр автономдық ауданындағы ауа райының құбылуына байланысты қабылданды. Төтенше жағдай кезінде әрекет ету жоспары іске қосылды. Жергілікті тұрғындарға жолға шығуға тыйым салынып жатыр.