Қазақстан - Ресей шекарасында көліктің қатынауы қиындады

Қазақстан мен Ресей арасында көлік қатынасы қиындады.

Шекара шебінде қалың кептеліс пайда болып, кеден бекеттерінің өткізу уақыты ұзарды. Оған көршілеріміздің сұр импортты анықтау бойынша жүргізіп жатқан рейд шаралары себеп. Ресей билігі қыркүйектен бері тауар тасымалдаушыларға тексерісті күшейткен. Дегенмен, қос тарап қатынасқа қайтадан қарқын қосуға бейіл. Бұл мәселе 13 қазанда Еуразиялық экономикалық комиссия алаңында, ал 7 қарашада Қазақстан мен Ресей арасындағы ынтымақтастық жөніндегі Үкіметаралық комиссияның 26-отырысында қаралады. Бүгін бас қалада Вице-премьер – Ұлттық экономика министрі Серік Жұманғарин осы мәселенің мән-жайын талқылап, жиын өткізді. Қазір қос елдің шекарасында 30 автокөлік өткізу бекеті жұмыс істейді. Былтыр 14,3 млн адам, 3 млн жеңіл және 2 млн жүк автокөлігі өткен.