Су тасқынының алдын алу шаралары пысықталды

Ел бойынша су басу қаупі бар 1242 елді мекен анықталды.

Бұл туралы Премьер-министрдің орынбасары Қанат Бозымбаевтың қатысуымен өткен жиында айтылды. Ол өңірлердің қысқа дайындығын және көктемде су тасқынының алдын алу үшін атқарылып жатқан жұмыстарды тексерді. Өңірлерде 666 шақырымға жуық қорғаныс бөгеттері салынып, нығайтылды. Ал 356 шақырым дренаж жүйесі жөнделіп, кейбірі жаңадан салынды. Қауіпті аймақтарда 400 шақырымнан астам өзен жағалаулары мығымдалды. Tasqyn ақпараттық жүйесінің дерекқоры жаңартылды. Алдын ала болжам бойынша, алдағы қыс жылы болады. Алайда жауаптылар кез келген жағдайға сақадай сай болуы қажет. Премьер-министрдің орынбасары жауаптыларға барлық дайындық жұмыстарын қыс түскенше толық аяқтауды тапсырды.