Министрліктен әкімдікке ауысты: Алматының басқармаларының біріне жаңа басшы келді

Алматы қаласының Кәсіпкерлік және инвестициялар басқармасына жаңа басшы тағайындалды, — деп хабарлайды Massaget.kz тілшісі .

"Алматы әкімі Дархан Сатыбалдының өкімімен Берікбол Мәндiбаев Кәсіпкерлік және инвестициялар басқармасының басшысы болып тағайындалды", — деп жазылған хабарламада.

Берікбол Мәндiбаев туралы не белгілі?

Берікбол Мәндiбаев 1986 жылы 12 наурызда дүниеге келген. әл-Фараби атындағы Қазақ ұлттық университетін және Ұлыбританиядағы University of Exeter-ді тәмамдаған.

• Еңбек жолын 2007 жылы Алматы қаласы Ішкі саясат басқармасының жетекші маманы ретінде бастаған.
• Әр жылдары Алматы әкімі аппаратының құрылымында қызмет атқарды.
• 2017-2024 жылдары бірқатар мемлекеттік орган мен ұлттық компанияда еңбек етті.
• Сонымен қатар, Су ресурстары және ирригация министрлігінде басшылық лауазымдар атқарған.
• 2024 жылдан бүгінге дейін Су ресурстары және ирригация министрлігінің Су үнемдеу технологияларын дамыту департаментінің директоры қызметін атқарды.

Еске салайық, бүгін Азамат Қалдыбеков Алматының Бостандық ауданының әкімі болып тағайындалды.

Қызықты жаңалықтар мен видеоларды көру үшін TikTok арнамызға жазылыңыз!