“Кореядан арзан көлік алдыртамын“. Астанада алаяқтық әшкере болды

Астана тұрғыны бірнеше рет алаяқтық жасағаны үшін сотталды, — деп хабарлайды Massaget.kz тілшісі.

Алаяқ көлік сатып алуға ниет білдірген азаматтарға алдын ала толық төлем жасаған жағдайда Оңтүстік Кореядан тиімді бағамен көлікке тапсырыс беруді ұсынған. Алайда жәбірленушілерге берілген көліктер көлікті жалға беру компанияларынан уақытша алынғаны анықталған.

"Алаяқтық әрекеттерден 70-тен аса адам зардап шекті, жалпы шығын — 420 млн теңге. Айыпталушы өз кінәсін толық мойындады. Сот оған 6 жыл 8 айға бас бостандығынан айыру жазасын тағайындады", — деп жазылған хабарламада.

Жәбірленушілердің азаматтық талабы қанағаттандырылды.

Өзекті жаңалықтарды өз уақытында оқу үшін Facebook парақшамызға жазылыңыз!