ШҚО-да үш мыңнан аса оқушы қашықтан оқып жатыр

Шығыс Қазақстанда жедел респираторлы вирустың таралуына байланысты, 32 мектептің 3 мыңнан астам оқушысы қашықтан оқуға көшті. Өскеменнің өзінде 21 мектеп уақытша онлайн форматқа ауысты.

Жұқпалы вирус әсіресе шалғай ауылдарда өршіп тұр. Үлкен Нарын, Күршім, Ұлан аудандарында 11 білім ошағы ішінара қашықтан оқытып жатыр. Сыныптағы оқушылардың 30%-ы дәрігердің нұсқауымен сабаққа қатыса алмаған жағдайда онлайн оқыту туралы шешім қабылданады. Балалардың денсаулығы туралы ақпарат күн сайын жаңартылып отырады. Денсаулық сақтау министрлігінің мәліметінше, соңғы аптада елде алты мыңнан аса оқушы инфекция жұқтырған.

Бұлбұл Қозыбаева ШҚО Білім басқармасы басшысының орынбасары:

- Онлайн оқытуға көшірілген сыныптың уақыты — инкубация кезеңі, яғни 3-7 күнге дейінгі созылады. Күнделікті бізге әрбір аудан әрбір мектептен ақпарат беріп отырады. Қазіргі уақыттта мысалы бүгінгі күнге қанша бала онлайнға кетті қанша бала кабинеттік жүйеде оқып отыр сондықтан да ол бізде күнделікті жаңартылып отырады.