Вьетнам астанасын түтін тұмшалады

Вьетнам астанасы – Ханой қаласын қою түтін тұмшалады.

Ауа сапасы Дүниежүзілік денсаулық сақтау ұйымы бекіткен нормадан бірнеше есе асып, қауіпті деңгейге жетті. Мегаполис Ай-Кью Эйр келтірген ең лас шаһарлардың рейтингісінде Үндістандағы Нью-Делиден кейін екінші орынға жайғасты. Бұған қоқыс пен ауылшаруашылық қалдықтарын өртеу себеп болған. Тұрғындар қатты жөтел мен тыныс алу жүйесіне қатысты мәселелерге шағымдануда. Елдің денсаулық сақтау министрлігі жергілікті металлургия және химия зауыттарын өндіріс көлемін қысқартуға шақырды. Келер жылдың ортасынан бастап Ханой орталық аудандарда алдымен бензинмен жүретін мотоциклдерге, содан соң автомобильдерге ішінара тыйым салуды жоспарлап отыр.