Қожа Ахмет Яссауи кесенесіне ғылыми-реставрациялық жұмыстар жасалады

Биыл Қожа Ахмет Яссауи кесенесіне ғылыми-реставрациялық жұмыстар жүргізіледі.

Бұл туралы бұгін Ұлттық құрылтай отырысында Мәдениет және ақпарат министрі Аида Балаева айтты. Сонымен қатар биылдан бастап Мәдениет және ақпарат министрлігіне Қожа Ахмет Яссауидің рухани-мәдени мұраларын зерттеу және дәріптеу бағытындағы шараларды іске асыру құзіреті беріліп отыр. Министр ғылыми-реставрациялық жұмыстарға республикалық бюджеттен қаржы қарастырылғанын және күн жылынғаннан кейін тиісті жұмыстар басталатынын атап өтті.

Еділ Жаңбыршин, Ұлттық құрылтай мүшесі:

- Біздің рухани фундаментіміз Қожа Ахмет Яссауиден басталады. Сондықтан Президентіміз Түркістандағы құрылтайда арнайы тапсырма берген. соның аясында Түркістанның статусы туралы заң қабылданды. Тек кесенені қорғау ғана емес бабамыздың рухани мұрасын дәріптеу, зерттеп, зерделеу мәселесі де арнайы нормамен бекітілді.