Париждегі көшелердің біріне Самарқанд атауы берілді

Сәрсенбі күні Өзбекстан президенті Шавкат Мирзиеевтің Парижге ресми сапары басталды. Сапар аясында Өзбекстан басшысы Париж мэрі Анн Идальгомен кездесіп, француз астанасындағы көшелердің біріне «Самарқанд көшесі» (Rue de Samarcande) атауының берілу шарасына қатысты, деп хабарлайды Egemen.kz.

Сонымен қатар Шавкат Мирзиеев пен Франция президенті Эмманюэль Макрон шағын құрамда келіссөздер жүргізіп, екі ел арасындағы қарым-қатынасты жаңа деңгейге көтеру мүмкіндіктерін талқылаған. Сондай-ақ инновациялық және өнеркәсіптік кооперацияны дамытуға бағытталған жаңа бағдарлама әзірленген. Кездесу нәтижесінде 10-нан астам құжатқа қол қойылған.

«Парижге қош келдіңіз, құрметті Шавкат! Бұл мемлекеттік сапар арқылы біз болашақ серіктестікке берген уәдемізді орындап, Франция мен Өзбекстан арасындағы достық байланыстарды одан әрі нығайтып отырмыз. Өзбекстан жасасын, Франция жасасын!», деп жазды Франция президенті.