15 наурыз – Қайырымдылық күні

15 наурыз – Қайырымдылық күні. Елде Наурызнама онкүндігін тойлау аясында әр күннің өзіндік атауы бар. Жалпыұлттық мереке қазақ халқының мәдениеті мен алуан түрлілігін көрсететін белгілі бір тақырып пен құндылықтарды дәріптейді.

15 наурыз қайырымдылыққа арналады. Ел бойынша түрлі қолдау шаралары ұйымдастырылады. Белсенділер мен волонтёрлер қарттар үйі мен көпбалалы отбасыларды құттықтап, дағдарыс орталықтарын аралайды. Қайырымдылық – ежелден көшпенді халықтың қанында бар қасиет. Ол қоғамның әлеуметтік мәселелерін шешуге, әлсіз топтарды қолдауға бағытталған маңызды әрекет. Тек материалдық емес, адамгершілік, рухани құндылықтарды қамтитын игі істердің бастамасы саналады.