Қазақстанда көлік өндірісі үш есе өсті

Отандық тауар өндірушілерді қолдау – ел дамуындағы негізгі бағыттың бірі.

Машина жасау, металлургия, құрылыс, жеңіл және химия өнеркәсібі, сондай-ақ азық-түлік тауарлары бойынша тек қазақстандық өндірушілерден сатып алынатын тауарлардың, жұмыстар мен көрсетілетін қызметтердің тізбесі едәуір кеңейтілген.

Айталық, алты жылда машина жасау секторындағы өндіріс үш есе өссе, өнеркәсіптік өндірістің жылдық орташа өсімі 20,3%-ті құрады. Мысалы 2018 жылы 30 мың бірлікті құраған жеңіл автомобильдердің саны 134 мың бірлікке дейін жетті. Сол сияқты жүк автомобильдері бойынша 7,1 мың бірлікке дейін, автобустар бойынша жеті есеге, яғни, 2,9 мың бірлікке дейін, арнайы техника шығару шамамен үш есеге, яғни, 711 бірлікке дейін өсім тіркелді.