Қарағандыда этно-заманауи стильдегі киім үлгілері көрсетілді

Ұлттық нақыштағы сәнді ұлықтаған «Nauryz Fashion» фестиваліне Қарағанды, Алматы және Астана қалаларынан келген бірнеше тігінші қатысып, өздерінің дизайнерлік шеберліктерін ортаға салды , деп хабарлайды 24kz.

Жиналған көпшілік дәстүр мен заманауи стильдің үйлесіміне тәнті болды. Тігіншілер өз жұмыстарында жүн мен киізді ерекше шеберлікпен қолдана білді. Отандық дизайнерлер бұл сән көрсетілімінде 90 түрлі үлгіні ұсынды. Олар көбінесе күнделікті өмірге ыңғайлы, әрі стильді киім түрлеріне басымдық берген.

Ұлжан Айдиллаева, дизайнер:

- Күнделікті өмірде киіп жүре алатын коллекция сырт киімдер заманауи матамен ескі бұрынғы стильді қазіргі заманға сай етіп шығардық. Куртка шапандар өзіміз шығарған және де күртешелер, сумкалар қазіргі заманға сай күнделікті киіп жүруге болады.