Ұрпаққа мұра Ұлыс мейрамы

Астана қаласы Орталықтандырылған кітапханалар жүйесі №3 балалар кітапханасы ұжымының ұйымдастыруымен «17 наурыз – мәдениет және ұлттық салт-дәстүр » күніне орай танымдық, этнографиялық сабақ өтті.

Онда елорданың №14 мектеп-гимназиясының бастауыш сынып оқушылары қатысып, кітап­хана­шылар дайын­даған «Сен салт-дәстүрді білесің бе?» атты танымдық сұрақ-жауап саба­ғына қатысып, халқы­мыздың салт-дәстүрлерімен танысты.

Атап айтар болсақ, жас өрендер халқымыздың тұрмыстық құнды мұралары: жаңа туған сәбиге ат қою, бесікке салу, қырқынан шығару, тұсау кесу, атқа мінгізу, тоқым қағу қатарлы салт-дәстүріміздің маңыздылығымен танысып, ежелден келе жатқан көшпелі қоғамның ғұрыптық салты: «сүйінші сұрау», «базарлық беру», «шашу шашу», «ерулік», «қалау», «құтты болсын айту» сияқты этнографиялық ұғымдардың тереңіне үңілді.

Сонымен қатар жеткіншек­тер бұрынғылардың «Жеті атасын білген ер – жеті жұрттың қамын жер» дегеніндей, халқымыздың генетикалық-туыстық қатынасы хақында жүйелі түсінікке қанығып, көшпелі бабаларымыз­дың берекелі азығы саналатын ұлттық тағамдар: құрт, ірімшік, қымыз, жент, бауырсақ, т.б. туралы мәліметке сусындады.

Сабақ барысында мектеп оқушы­лары өзара ұлттық ойындар ойнап, нау­рыз жұмбақ шешіп сайыс­ты. Со­ңында жас қонақтар отандық һәм ха­лықаралық ән байқауларының жүл­дегері, болашағынан зор үміт күттіретін дарынды әнші Әйгерім Манапова шырқаған әндерді тыңдап, оқушы қыз­дардың «Қамажай» биіне тәнті ­болды.