
Бас прокуратура мәжілістің экс-спикері Нұрлан Нығматулиннің бауыры Ерлан Нығматулиннің үстінен қылмыстық іс қозғады. Бұл туралы Skifnews.kz ақпарат порталы Stan.kz-ке сілтеме жасап хабарайды.
Қылмыстық істің қозғалуына кәсіпкер Рамис Ибрагимовтың бұрынғы сенатор Ерлан Нығматулинді рейдерлік жасады деп айыптаған арызы себеп болған. Бас прокуратураның баспасөз қызметі бопсалау фактісі бойынша қылмыстық іс қозғалғанын растады.
Айта кетейік, бұған дейін Zara франшизасының бұрынғы иесі Наталья Овдейчук пен оның күйеуі Рамис Ибрагимов Ерлан Нығматулинді рейдерлік жасады деп айыптаған еді.
Нұрлан Нығматулин мәжіліс спикері қызметінен 2022 жылдың 1 ақпанында Қаңтар оқиғаларынан кейін кетті. Ол 2016 жылдан бері төменгі палатаны басқарып келген еді. Ал Ерлан Нығматулин – Нұрлан Нығматулиннің егіз бауыры, ол мәжілісте және сенатта депутат болған.