В. Зеленский мен Д. Трамп телефон арқылы сөйлесті

Владимир Зеленский мен Дональд Трамп телефон арқылы сөйлесті. Ақ үй басшысы өзінің әлеуметтік парақшасында әңгіменің жақсы өткенін және оның барысында украиналық әріптесімен кешегі келіссөздерді талқылағандарын жазды.

Еске сала кетейік, кеше Ақ үй басшысы телефон арқылы Ресей президентімен сөйлесті. Әңгіме барысында Трамп Украина мен Ресейге энергетикалық инфрақұрылым нысандарын соққылауды 30 күнге тоқтатуды ұсынды. Путин бұл бастамаға келісіп, әскери күштеріне тиісті бұйрық берді. Сонымен қатар келіссөздер қорытындысы бойынша Кремль басшысы Украинамен өзара тұтқын алмасатынын да жария еткен еді. Соған сәйкес бүгін екі жақ та 175 әскери қызметкерден босатты. Бұдан бөлек, Ресей шұғыл медициналық көмекке мұқтаж ауыр жараланған тағы 22 әскери тұтқынды да жіберді.