Қ.Тоқаевтың атына Наурыз мейрамына орай құттықтау жеделхаттары келіп түсіп жатыр

0:00:00

Жаңалықтарды Telegram арнамыздан оқыңыз!

Президент Қасым-Жомарт Тоқаевтың атына Наурыз мерекесіне орай құттықтау жеделхаттары келіп түсіп жатыр. АҚШ Президенті Дональд Трамп «Біздің мемлекеттерімізді ұзақ жылдардан бері қалыптасқан өзара тиімді ықпалдастық байланыстырады. Алдағы уақытта да жаңа жетістіктерге жететінімізге сенімдімін», — деп жазған. Қытай халық республикасының Төрағасы Си Цзиньпин «Екіжақты қарым-қатынастарды дамытуға баса мән беретінін және екі елдің берік достығын мақтан тұтатынын» — айтты. Түркия Президенті Режеп Тайип Ердоғаннан келген жеделхатта «Елдеріміз арасындағы берік достық пен бауырластық байланыс қарқынды дамып, екіжақты ықпалдастығымыз кеңейе беретініне сенімдімін», — деп жазылған. Ресей Президенті Владимир Путин «Достас халықтарымыздың игілігі жолында өзара тиімді байланыстарды одан әрі арттыру үшін ортақ күш біріктіретінімізге сенімдімін», — деді. Президенттің атына өзге елдердің басшылары мен халықаралық ұйымдардың жетекшілерінен құттықтау жеделхаттары әлі де келіп түсіп жатыр.

Оңғар Алпысбайұлы