Газада көмекке кезекте тұрған 65 адам көз жұмды

Газа секторында 1 маусымнан бері көмек тарату орталығында тегін тамақ алмақ болған 65 адам көз жұмды, деп хабарлайды 24kz.

БҰҰ өкілдерінің хабарлауынша, Израиль әскері оларға оқ атқан. Еврей елінің қарулы күштері: «Палестиналықтарды әдейі көздеген жоқпыз», — дейді. Күдікті болып көрінген адамдар кезекте тәртіпті бұзғандықтан ауаға оқ атқандарын айтады. Қазір бұл оқиғаға қатысты тексеру жүріп жатыр. Жақында 2,5 айлық үзілістен кейін Израиль әскері Газаға гуманитарлық көмек кіргізуге рұқсат еткен еді. Бірақ тұрғындар сырттан келген жүкті арнайы тарату орталықтарынан ғана әкете алады. Израиль елінің өкілдері бұл ХАМАС мүшелерінің көмекті ұрламауы үшін жасалып отырғанын айтады.