Калифорния басшылары Трамптан Ұлттық ұлан әскерін Лос-Анджелестен алып кетуді талап етті

Калифорния губернаторы Гэвин Ньюсом президент Дональд Трамптан Лос-Анджелестен Ұлттық ұлан әскерін алып кетуді талап етті. Қалада заңсыз мигранттарға қатысты саясатқа қарсы жаппай наразылық шаралары әлі жалғасып жатыр.

Ньюсом Трамп әкімшілігі штаттың егемендік құқығын бұзды деп айыптады. Оны басқа 22 губернатор-демократ қолдап отыр. Олар: «Бірлескен мәлімдеме жасап, Ақ үй өкілеттігін асыра пайдаланып отыр», – деді. Лос-Анджелес мэрі Карен Басс та: «Федералдық үкімет жағдайды ушықтырды», – деп мәлімдеген.

Карен Басс, Лос-Анджелес мэрі:

- Лос-Анджелесті жайлап алған берекесіздік – тікелей Президент әкімшілігінің кінәсі. Олар жұмыс орындарын қысқарту, балаларды ата-аналарынан айыру, адамдарды бронды көліктерге отырғызу арқылы қоғамда үрей тудырып отыр. Федералдық әскерді қалаға кіргізу – қоғамдық қауіпсіздікті бұзатын қатерлі қадам.