Мемлекеттік қызметке Ai Qyzmet бағдарламасы енгізіліп жатыр

Мемлекеттік бюджеттен қаржыланатын ұйымдарда кадрлық үдерістер автоматтандырылып жатыр. Бұл – 500 мың адам жұмыс істейтін 2 мың 400 мекеме.

Сондай-ақ мемлекеттік органдарға жалдамалы мамандар тарту мақсатында келісімшарттық қызметшілер институты енгізілді. Қазір осы тәжірибемен 20 адам тартылған. Құзырлы мекемелердің құрылымын оңтайландыру үшін лауазым иелері арасындағы ережелер өзгерді. Сөйтіп, былтыр 600-ден аса басшы орындаушылық қызметке ауыстырылды. Цифрландыру дәуірінде тиісті деңгейді көтеру маңызды. Сондықтан 2029 жылға дейін жасанды интеллект негіздеріне оқыту көзделген. Былтыр 5 мың 300-ден астам қызметкер цифрлық трансформация, Data Science, деректерді визуализациялау бойынша біліктілігін арттырды. Ал биылдан бастап Ai Qyzmet бағдарламасы енгізіле басталды. Бұл – Еуразиядағы жасанды интеллектіні пайдаланудың алғашқы оқу платформасы.