Елімізде электронды саудаға декларация енгізіледі

Шетелден құны 200 доллардан асатын тауарды онлайн тапсырыспен сатып алғандар операторға декларация құнын төлейді, деп хабарлайды 24kz.

Ал егер алынған тауар бағасы 200 доллардан, салмағы 31 келіден аспаса, декларацияға жатпайды. Бүгін Мәжіліс Еуразиялық экономикалық одақ аясындағы кедендік декларацияның жаңа түрі – электронды сауда декларациясы туралы құжатты мақұлдады. Осылайша, электронды сауда тауарларының барлығына, яғни, жеке тұлғалардың сыртқы сауда алаңдарынан сатып алатын барлық тауарына декларация жүргізіледі. Аталған санаттағы тауарларға салық салу тәсілі де өзгереді. Кез келген сатылым үшін сатушыдан қосылған құн салығы алынады. Ұлттық экономика министрлігінің дерегі бойынша қазір елдегі сауда-саттықтың 14%-і электронды саудаға тиесілі. Бүгінде оның құны 3 трлн теңгеге жетіп отыр.