Алматыда дзюдодан жасөспірімдер мен жастар арасында Азия кубогы өтеді

3-6 шілде күндері Алматыда дзюдодан жасөспірімдер мен жастар арасында Бекет Махмұтовты еске алуға арналған Азия кубогы өтеді, — деп хабарлайды Massaget.kz тілшісі.

Жасөспірімдер мен жастар арасында өтетін байрақты бәсекеге Қазақстан, Әзербайжан, Қырғызстан, Тәжікстан, Өзбекстан, Ливан, Моңғолия, Халықаралық дзюдо федерациясының құрамасы және АҚШ елдерінен 700-ге жуық татами шебері қатысады деп жоспарланып отыр.

Төрт күнге созылатын дүбірлі дода Алматы қаласындағы Балуан Шолақ спорт кешенінде өтеді.

Сондай-ақ, Азия кубогы аясында төрешілер мен жаттықтырушыларға арналған халықаралық семинар ұйымдастырылады. Семинарға Польша, Мысыр, Оңтүстік Корея, Қырғызстан, Үндістан, Иран, Нидерланд, Жапония және Сауд Арабиясынан 80 төреші қатысады.

Аптаның басты оқиғалары мен пайдалы видеоларды көру үшін YouTube арнамызға жазылыңыз