Қытайда чикунгунья вирусы өршіп тұр

Қытайдың оңтүстігінде чикунгунья вирусын жұқтырғандар саны күрт көбейді.

The Independent басылымының дерегі бойынша, кемі 5 мың адам осы дертке шалдыққан. Науқастардың көбі — Гуандун провинциясы Фошань қаласының тұрғындары. Мұнда бір аптада қатерлі дерт 2 800 адамнан анықталды. Вирус масалар арқылы тарайды. Науқастардың қызуы көтеріліп, буыны сырқырап, тіпті жүйке жүйесі бұзылуы мүмкін. Қытайлық ғалымдар қатерлі дертті тасымалдаушы масалардың дернәсілдерін жоятын алып масаларды қолдан өсіріп, табиғатқа жібергенін мәлімдеді. Олардың айтуынша, бұл індеттің таралуын тежеуге тиіс.