Ана сүтімен қоректендіру апталығы басталды

Елде 6 айға дейінгі нәрестелердің 71%-ы ана сүтімен қоректенеді .

Енді осы межені 85%-ға жеткізу керек. Қазір екі жасқа дейінгі 400 мыңға жуық баланы анасы ақ сүтін берумен қатар қосымша тамақтандырады. Бұл — нәрестенің денсаулығы мен өмір сүруін қамтамасыз етудің амалы. Ана сүті- баланың интеллектуалды дамуына ықпал етеді, инфекциялық аурулар қаупін төмендетеді, иммунитетті күшейтеді. Ана мен баланың арасында тығыз байланыс қалыптастырады. Ең бастысы бала емізетін аналарда сүт безі мен аналық без обыры секілді ауруларға шалдығу қаупі төмен. Айта кетерлігі, біздің елде де Дүниежүзілік ана сүтімен қоректендіру апталығы басталды.