Қазақстанда жаңа бап бойынша 7 қылмыстық іс қозғалды

Биыл банк карталарын, банк шоттарын және өзге де төлем құралдарын сыйақы үшін басқа адамға бергені үшін қылмыстық жауапкершілік енгізілді, — деп хабарлайды Massaget.kz тілшісі.

Прокуратура мәліметінше, заң күшіне енген уақыттан бастап елде бұл бап бойынша 7 қылмыстық іс тіркелген.

"Астанада алаяққа банк шотының деректерін берген 17 жастағы жасөспірімге қатысты тергеу басталды. Алаяқтар уәде еткен сыйақы үшін ол енді жеті жылға дейін бас бостандығынан айырылу мүмкін", — деп жазылған хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!