Атырауда «Таза Қазақстан» аясында 2600 ағаш егілді

Атырауда «Таза Қазақстан » экологиялық бағдарламасы аясында 2600 ағаш егілді.

Қазір қаланы абаттандыру жұмыстары қарқынды жүруде. Орталық көшелердің бойы мен Жайық өзенінің жағалауына 300-ден аса қарағай егілген. Сонымен қатар қала іргесіндегі Дамбы, Геолог ықшам аудандарындағы саябақтар жаңғыртылып жатыр. Қаланың көркін келтіруге бағытталған жоба демеушілер көмегімен жүзеге асып жатыр.

Дулат Қуанғали, қалалық ТҮКШ және тұрғын үй инспекциясы бөлімінің бас маманы:

- 629 қылқан жапырақты ағаш, 1159 жапырақты ағаш және 317 сәндік бұта, сонымен қатар 480 матсудана ағашы отырғызылды. Бұл жұмыстар жеке кәсіпорындардың жасыл инфрақұрылымды дамыту және жайлы қалалық орта қалыптастыруға бағытталған бірлескен бастамалардың нәтижесі болады.