Ақылын ақшаға сататындарға тықыр таяды

«Қазір мен сіздерге тез байып кетудің жолын айтамын. Ол үшін менің 500 мың теңге тұратын курсыма жазылыңыздар. Оны 2-3 айда еселеп қайтарасыздар». Естіген жан елең етпей қалмайды. Қазір осындай жарнамадан көз сүрінеді. Әсіресе, әлеуметтік желіде ақыл айтқыштар көбейіп кетті. «Күректеп ақша табуды үйретемін, үйде отырып-ақ балқып-шалқып өмір сүресіз» деп қалтаңды қағады да қайқандап таяды. Арнайы жоба бағдарламасы бүгінгі шығарылымда осы мәселеге үңіліп көрді.