Дональд Трамп көлік импорттауға 25% баж салығын енгізбек

АҚШ көлік импортына 25% баж салығын салады. Жаңа тариф түрі 2 сәуірден бастап күшіне енеді. Бүгін Ақ үй басшысы тиісті құжатқа қол қойды.

Америка президенті осылайша ішкі нарықтан шетелдік компанияларды ығыстырмақ. «Есесіне жергілікті өндірушілердің тынысын кеңейтемін», – дейді. Алайда кейбір америкалық кәсіпкерлер Трамптың бұл шешіміне үзілді-кесілді қарсы. Себебі кейбірі темір тұлпардың қосалқы бөлшектерін сырттан тасымалдап құрастырады. Демек жергілікті көлік өндірушілердің шығыны да көбейеді.

Ақ үй басшысының мәлімдемесі қор нарығындағы ахуалды құбылтты. Мәселен, Американың ең ірі көлік өндірушісі – General Motors акцияларының құны 3%-ке арзандаса, Jeep и Chrysler құнды қағаздарының бағасы 4%-ке құлдыраған.