Ақтөбе облысында әйел өз балаларын өлтірді деп айыпталды: жаңа дерек

Ақтөбе соты өз балаларын өлтірді деген күдікке ілінген әйелді қамауға алды, — деп хабарлайды Massaget.kz тілшісі "Мой Город" басылымына сілтеме жасап.

26 наурызда Ақтөбенің мамандандырылған тергеу соты екі баланы өлтірді деген күдікке ілінген әйелді қамауға алуға санкция берді. Тергеу кезінде ол уақытша ұстау изоляторында болады.

Жантүршігерлік жайт туралы не белгілі?

23 наурызда Ақтөбе облысы Қандыағаш қаласында кәмелет жасына толмаған екі баланың денесі табылды. Олардың өліміне күдікті ретінде анасы, яғни Атырау облысының тұрғыны ұсталды.

Полицияның алдын ала мәліметтері бойынша әйел босанғаннан кейін депрессияда болған.

Бұл жайтқа қатысты қылмыстық іс қозғалды, тергеу полиция басшылығының бақылауында.

Қызықты жаңалықтар мен видеоларды көру үшін TikTok арнамызға жазылыңыз!