Үкімет басшысы өндіріс орындарының жұмысымен танысты

0:00:00

Жаңалықтарды Telegram арнамыздан оқыңыз !

Өңдеу өнеркәсібіндегі жергілікті өнім үлесін арттыру қажет. Премьер-министр Олжас Бектенов Павлодар облысында Президент тапсырмаларының орындалу барысымен танысып, осындай міндет қойды. «Бозшакөл» мыс кенішінде жылына 30 миллион тонна кен өңделіп, 105 мың тонна мыс өндіріледі. Дайын өнім шетелдерге экспортталады. Биыл мұнда жас мамандарды даярлауға басымдық берілмек. Үкімет басшысы ірі кәсіпорындарды терең өңделген өнімдер шығару үшін салаға инвестиция құюға шақырды.

Олжас Бектенов, Премьер-министр:

Салық кодексінде жоғары өңделген тауарлар өндіретіндер салықты аз төлейтін қосымша жеңілдіктер қарастырылған. Мұның барлығы өңдеу саласын ынталандыру үшін жасалып жатқан қадамдар. Яғни қаражат өз елімізде қалады деген сөз. Оның үстіне «Қазақмыс» және «KAZ Minerals» сияқты ірі кәсіпорындардың инвестиция салуға мүмкіндігі бар.

Сонымен қатар Үкімет басшысы Екібастұздағы Қазақстан вагон жасау компаниясының жұмысымен де танысты. Зауытта вагондардың бірнеше түрі жасалады. Өндірістік қуаты айына 240 вагонға дейін көбейген. Бектенов еліміздегі вагондар паркын жаңарту қажет екенін айтты. Ал кәсіпорында жергілікті қамту үлесі 57%-ды құрайды. Оны арттыру үшін үкімет бизнеске қолдау көрсетеді.

Жоламан Ахмедиев, «Қазақстан вагон жасау компаниясы» ЖШС бас инженері:

2025 жыл жұмысшылар мамандық жылы болғандықтан қазіргі таңда зауытымызда оқу орнын ашып, сол 800 қызметкерлеріміздің біліктілігін арттыруға жұмыс атқарып жатырмыз.

Шерхан Жамбылұлы