Кореядағы өрт ЮНЕСКО қарауындағы елді мекенге таяп қалды

Оңтүстік Кореядағы алапат орман өрті Хахве ауылына қауіп төндіріп тұр.

Бұл ЮНЕСКО-ның дүниежүзілік мұралар тізіміндегі елді мекен. 600 жылдық тарихы бар ауылға өрт сөндірушілер мен қосымша техника тартылды. Дегенмен, оңай болмай тұр. Өйткені ескі үйлер ағаш пен сабаннан тұрғызылған. Ал орман өрті өткен аптадан бері басылмай тұр. Осы күнге дейін 39 мың гектар алқап күлге айналды. Соңғы ақпарат бойынша тілсіз жаудан 28 адам опат болған. Аймақта мұндай алапат өрт 2000 жылы да болған еді. Онда 24 мың гектар аумақ жанып кеткен.