Астанада Абылай хан даңғылының учаскесі жабылады

Астана қаласының Көлік және жол-көлік инфрақұрылымын дамыту басқармасы Абылай хан даңғылының Манас көшесінен А.Пушкин көшесіне дейінгі учаскеде жол жабынының жоғарғы қабатын жаңартады, деп жазады Egemen.kz.

Осыған байланысты, 4-7 маусым аралығында аталған учаскеде көлік қозғалысы ішінара жабылады. Бұл ретте көлік қозғалысы алдымен Манас көшесінен А.Пушкин көшесіне қарай бір бағытта, кейін қозғалыс кері бағытта ұйымдастырылады.

Қала әкімдігі жүргізушілер мен жаяу жүргіншілерді қозғалыс бағытын алдын ала жоспарлап, өзгерістерді қаперге алуға шақырады.