Алматы облысында «Жасырын патруль» жұмыс істей бастады

Алматы облысының жолдарында «Жасырын патруль» жұмыс істей бастады, деп хабарлайды 24KZ. Өңірлік Полиция департаментінің мәлімдеуінше, бұл ең алдымен қауіпсіздікті қамтамасыз ету үшін аса қажет. Полиция қызметкерлері жол жүру ережесін бұзғандарды енді заманауи бейнебақылау кешендері арқылы анықтайды.

«Жасырын патруль» көліктеріне ешбір танымдық белгі орнатылмайды және ол жылдамдықты арттыру, қарсы бағытқа шығу, қауіпсіздік белдігін тақпау сияқты заңсыздықтарды тіркейді. Бейнематериалдар автоматты түрде шұғыл әрекет ету орталықтарына жолданады. «Бұл жаңашылдыққа адами фактор әсер ете алмайды. Сондықтан жол жүру ережесін бұзу оқиғалары объективті түрде бағаланады», – дейді полиция қызметкерлері.

Мұрат Қалиасқаров, Алматы облыстық ПД жергілікті полиция қызметі бастығының орынбасары:

- «Жасырын патруль» дегеніміз жазалау емес. Ең біріншіден, алдын алу құралы. Оның басты мақсаты – жолда қауіпсіз мінез-құлық мәдениетін қалыптастыру. Барлық жол қозғалысына қатысушыларды патруль болсын және болмасын, жол ережелерін сақтауға шақырады. Себебі жолдағы қауіпсіздік ортақ жауапкершілік деп ойлаймын.