Starlink интернеті Қазақстанда қолжетімді болады

Күзден бастап Starlink спутниктік интернеті Қазақстанда қолжетімді болады.

Цифрлық даму, инновациялар және аэроғарыш өнеркәсібі министрлігі халықаралық компаниямен арадағы ресми келісімге қол қойды. Құжатқа сәйкес, биылғы жылдың үшінші тоқсанынан бастап спутниктік терминалдар біздің нарықта сатыла бастайды. Жоба шалғай аймақтарды жоғары жылдамдықты интернетпен қамтуға мүмкіндік береді. Бұл елдегі телекоммуникация инфрақұрылымын дамытуға септігін тигізіп, ауыл мектептері, денсаулық сақтау мекемелері мен мобильді топтар да сапалы интернетпен қамтылады деген сөз.

Жаслан Мәдиев, ҚР Цифрлық даму, инновациялар және аэроғарыш өнеркәсібі министрі:

- Терминалдарды ауыл шаруашылығы, өнеркәсіп, пайдалы қазбаларды өндіру сияқты экономиканың басқа да салаларында тиімді пайдалануға болады. Министрлік байланыс саласындағы уәкілетті орган сондықтан байланыс сапасы мен қамтамасыз етуге жауапты. Оның ішінде әлемдегі жаңа итехнологияларды енгізу жұмысы да бар. Әрине Спейс Экс компаниясының Қазақстан нарығына келуі тек оң өзгеріс әкеледі.